Հայոց ցեղասպանության 107-րդ տարելիցի ոգեկոչման պատարագ Փարիզի Սեն-Ժերմեն լ’Օքսըրուա եկեղեցում

24 ապրիլի, 2022

Ապրիլի 24-ին Փարիզի կենտրոնում գտնվող Սեն-Ժերմեն լ’Օքսըրուա եկեղեցում տեղի ունեցավ Ֆրանսիայի կաթոլիկ եկեղեցու կողմից կազմակերպվող Հայոց ցեղասպանության տարելիցի ոգեկոչման ամենամյա պատարագ:

Հայկական ծիսակարգով պատարագը համատեղ մատուցվեց Հայ կաթողիկե եկեղեցու Ֆրանսիայի թեմի առաջնորդ Գերապայծառ Եղյա եպիսկոպոս Եղիայեանի, Ֆրանսիայի կաթոլիկ եկեղեցու ներկայացուցիչ, Ռեյմսի արքեպիսկոպոս և Ֆրանսիայի քահանայական համաժողովի նախագահ Էրիկ դը Մուլեն-Բոֆորի, Հայ առաքելական եկեղեցու Ֆրանսիայի թեմի առաջնորդ Տեր Գրիգոր Վարդապետ Խաչատրյանի, Հայ ավետարանչական եկեղեցու հոգևոր հովիվ Ժիլբեր Լեոնյանի, Հայ առաքելական եկեղեցու Ֆրանսիայի թեմի նախկին առաջնորդ Նորվան Արքեպիսկոպոս Զաքարյանի, ինչպես նաև քույր եկեղեցիների քահանաների կողմից:

Ոգեկոչման պատարագին ներկա էին Ֆրանսիայի հայ կաթողիկե եկեղեցու հետևորդներ, ֆրանսահայ համայնքի ներկայացուցիչներ, ֆրանսիացի գործիչներ, հավատավորներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր